Гасцінічны комплекс размешчаны ў маляўнічай і невялікай вёсачцы Падар, гэта ў 30 км ад трасы Мінск-Магілёў, Круглянскага раёна Магілёўскай вобласці, да якой можна дабрацца па зручнай асфальтаванай дарозе. Мы рады прапанаваць вам займальны і незабыўны адпачынак сярод лясоў багатых грыбамі, ягадамі, лекавымі. травой, з мноствам маршрутаў па лясных сцежках, прыдатных як для пешых, так і для роварных шпацыраў улетку і на лыжах узімку, з бабровымі плацінамі і найчыстымі крыніцамі.
Комплекс уключае ў сябе паляўнічую базу з чатырма двухмеснымі нумарамі, спальны корпус катэджнага тыпу з трыма двухмеснымі нумарамі і двухмесны егерскі домік. Камфартабельныяпакоі спалучаюць хатнюю выгоду і арыгінальнае дызайнерскае афармленне. У кожным памяшканні маецца кухня, цалкам прыстасаваная для самастойнага прыгатавання ежы і сервіроўкі стала. Пры жаданні можам аказаць дапамогу ў арганізацыі харчавання.
На тэрыторыі гасцінічнага комплексу на беразе невялікай сажалкі размешчана лазня (узімку можна акунуцца ў ледзяную купель), на супрацьлеглым беразе – альтанка з масіўным драўляным сталом і лавамі, мангал і пляцоўка для адпачынку над вадой, а гэтак жа мноства ўтульных месцаў адпачынку ў розных кутках. Комплекс мае дзве аўтастаянкі.
Для аматараў фотапалявання ёсць магчымасць зрабіць унікальныя фотаздымкі звяроў і птушак у натуральных умовах пражывання, нават не выходзячы з нумара.
Таксама мы ўладкоўваем паляванне і рыбалку.
Не меней займальнай у нашых лясах будзе і «ціхае паляванне» – паляванне на грыбы. Грыбны сезон у нас з канца красавіка да канца восені (пакуль снег не ляжа). Увесну пачынаюцца радкі і смаржкі, пачатак чэрвеня – маслякі, затым белыя, падбярозавікі і ўсе астатнія. Увосень пачынаюцца рыжакі, апенькі, восеньскія маслякі і да самага снега ёсць ліскі.
Пацешаць лясы і багаццем лясных ягад такіх як: суніца, чарніца, маліна, ажына, дурніца, брусніца, журавіны. Працэс збору ягад – гэта выдатна праведзены час, выдатны адпачынак і зносіны з прыродай. Пышнае прыроднае асяроддзе, найчыстае паветра, вясковая цішыня зробяць Ваш адпачынак незабыўным.
